Abstract. Moliya bozori zamonaviy iqtisodiy tizimlarda investitsiya faoliyati, risklarni boshqarish va kapital resurslarini optimal taqsimlashda muhim rol o‘ynaydi. Ushbu maqolada moliya bozori tahlili asosida samarali moliyaviy qarorlar qabul qilishning nazariy va amaliy jihatlari chuqur o‘rganilgan. Tadqiqotning asosiy maqsadi — investorlar, kompaniyalar va moliyaviy institutlar uchun moliyaviy qaror qabul qilishda moliya bozorining turli segmentlari (fond bozori, obligatsiyalar bozori, valyuta bozori, derivativlar bozori) tahlilining samaradorligini aniqlashdir. Maqolada fundamental tahlil, texnik tahlil va kvantitativ modellashtirish usullarining afzalliklari, ularning qarorlar sifatiga ta’siri tahlil qilingan. Shuningdek, so’ngi yillar oralig‘ida O‘zbekiston moliya bozorining asosiy statistik ko‘rsatkichlari tahlil etilib, fond bozorida IPOlar sonining ortishi, valyuta kursining barqarorligi va moliyaviy xizmatlar sifati bo‘yicha o‘sishlar qayd etilgan. Ushbu tahlillar asosida investorlar va boshqaruv subyektlari uchun strategik qarorlar qanday shakllanishi mumkinligi ko‘rsatib berilgan. Maqola yakunida esa raqamli texnologiyalarning (AI, Big Data, Fintech) moliyaviy tahlil vositalariga ta’siri va ularning qaror qabul qilishda kelajakdagi roli yoritilgan.