Abstract. Mazkur maqolada o‘zbek falsafiy tafakkurining yirik namoyandalaridan biri bo‘lgan Aziziddin Nasafiyning “Komil inson” asariga falsaviy-germenevtik yondashuv asosida tahlil berilgan. Asarda insonning ma’naviy kamolot sari intilishi, nafsni poklash, ruhiy yetuklikka erishish va ilohiy haqiqatga yaqinlashish jarayoni chuqur ifodalangan. Germenevtik tahlil metodi orqali matndagi ramzlar, kontekst va muallifning maqsadlari izohlanadi. Shuningdek, “komil inson” tushunchasi orqali Nasafiy zamonaviy inson uchun qanday axloqiy-me’yoriy yo‘l ko‘rsatmalarni ilgari surganiga e’tibor qaratiladi. Maqola orqali asarning bugungi kun ma’naviy inqiroz sharoitidagi dolzarbligi va qadriyatlar tizimidagi o‘rni ochib beriladi.