Abstract. Mazkur ishda Shashmaqom tizimining musiqiy tuzilishi, uning asosiy qismlari, lad-tonal tizimi va kompozitsion qurilishi chuqur tahlil qilinadi. Shuningdek, Shashmaqomning estetik asoslari, ya’ni ohang, ritm, poetik mazmun va ijro uslubining o‘zaro uyg‘unligi orqali yaratilgan go‘zallik mezonlari yoritiladi. Tadqiqotda Shashmaqomning o‘ziga xosligi, milliy musiqiy tafakkurdagi o‘rni hamda madaniy meros sifatidagi qadriyati nazariy va amaliy jihatdan asoslab beriladi. Shashmaqomning badiiy-estetik ta’siri uning ijro an’analari, tinglovchi bilan muloqoti va musiqiy obrazlar yaratish vositalari orqali ochib beriladi.