Abstract. Mazkur maqola XX asr boshlarida O'zbekistonda yuzaga kelgan jadidchilik harakati va uning o'zbek adabiyotiga ta'siri haqida yozilgan. Jadidchilik harakati mustamlakachilik siyosati va ijtimoiy islohotlar davrida milliy uyg'onishning muhim bosqichi bo'lib, o'zbek adabiyotining rivojlanishiga yangi yo'nalishlar kiritgan. Maqolada jadidchilik harakatining asosiy g'oyalari, uning adabiyotga ta'siri va asarlarida ilgari surilgan ma'rifat, ilm-fan, milliy tafakkur va vatanparvarlik g'oyalari tahlil qilinadi. Maqolada shuningdek, jadidchilik adabiyoti vakillari — Abdulla Avloniy, Mahmudxo'ja Behbudiy, Fitrat, Cho'lpon kabi adiblar va ularning asarlarining ijtimoiy ahamiyati, jamiyatdagi o'zgarishlarga bo'lgan ta'siri ko'rsatilgan. Jadidchilik harakati o'z davrida faqat o'zbek adabiyotining rivojiga emas, balki butun O'zbekistonning ma'rifiy uyg'onishiga katta hissa qo'shgan. Sovet davrida ta'qib qilinib, yillar davomida unutilgan jadidchilik merosi mustaqillik yillarida qayta tiklandi va bugungi kunda uning g'oyalari dolzarb ahamiyatga ega.