Abstract. Ushbu maqolada to‘qimachilik sanoati korxonalarida narx strategiyasini shakllantirish tamoyillari va samarali narx belgilash usullari tahlil qilingan. Narx siyosati korxonaning bozor mavqeini mustahkamlash, raqobatbardoshlikni oshirish va daromadni optimallashtirishda muhim rol o‘ynaydi. Maqolada xarajatga asoslangan, raqobatga yo‘naltirilgan, bozorga kirish, differensial va qimmatbaho narx strategiyalari ko‘rib chiqilgan. Shuningdek, samarali narx strategiyasini shakllantirish yo‘llari, jumladan, bozor tahlili, moslashuvchan narx siyosati va brend imidjini mustahkamlash muhim omillar sifatida ta’kidlangan. Tadqiqot natijalari to‘qimachilik sanoati korxonalariga bozor talablariga mos narx siyosatini yuritishda amaliy tavsiyalar beradi.