Abstract. Ushbu maqolada Sharq va G‘arb adabiyotlarida ayol obrazining o‘ziga xos talqinlari taqqosiy tahlil qilinadi. Sharq adabiyotida ayol ko‘pincha go‘zallik, sadoqat va ma’naviyat timsoli sifatida idealizatsiya qilingan bo‘lsa, G‘arb adabiyotida u murakkab va individualistik qiyofada tasvirlanadi. Alisher Navoiyning "Layli va Majnun", Shekspirning "Hamlet" va "Romeo va Juletta" asarlaridagi ayol obrazlari madaniy va ijtimoiy o‘ziga xosliklarni aks ettiradi. Maqolada bu obrazlarning o‘xshash va farqli jihatlari, shuningdek, ular orqali jamiyatning gender munosabatlari yoritiladi.