Abstract. Maqolada tijorat banklarining aksiyalarini ommaviy joylashtirish (IPO) jarayonini samarali tashkil qilishning nazariy va amaliy jihatlari "Agrobank" misolida ko‘rib chiqilgan. Bankning moliyaviy barqarorligini oshirish va investitsion jozibadorligini kuchaytirish maqsadida olib borilgan tayyorgarlik ishlari, xalqaro moliyaviy bozorlarda amalga oshirilgan emissiyalar va IPOga tayyorgarlikdagi yutuqlar tahlil qilinadi. Bozor tahlili, huquqiy va moliyaviy tayyorgarlik, marketing va kommunikatsiya strategiyasi kabi omillar jarayonni muvaffaqiyatli tashkil etishning asosiy elementlari sifatida tavsiflanadi. Xulosa o‘rnida tijorat banklari uchun IPOni samarali o‘tkazish bo‘yicha tavsiyalar beriladi. Ushbu maqola banklar va investorlar uchun amaliy ahamiyatga ega bo‘lib, moliyaviy resurslarni jalb qilishning zamonaviy usullari bo‘yicha muhim ma'lumotlar taqdim etadi.