Abstract. Ushbu maqolada milliy emitentlarning xalqaro kapital bozorlarida faol ishtirokini ta'minlashning dolzarb masalalari keng ko‘lamda tahlil qilinadi. Global kapital bozorlari milliy emitentlar uchun yangi investitsiya manbalarini jalb qilish imkoniyatini taqdim etadi, bu esa iqtisodiyotning barqaror rivojlanishi va diversifikatsiyalashgan moliyaviy tizimni shakllantirishga yordam beradi. Milliy kompaniyalar va davlat tashkilotlarining xalqaro kapital bozorlariga kirib borishida turli omillar, xususan, huquqiy bazaning etarliligi, korporativ boshqaruv standartlarining mavjudligi, moliyaviy hisobotlarning xalqaro talab va normalarga mosligi katta ahamiyat kasb etadi. Shu bilan birga, xalqaro miqyosdagi investorlarning ishonchini qozonish uchun yuqori kredit reytingiga ega bo‘lish ham muhim o‘rin tutadi. Maqola davomida xalqaro kapital bozoriga kirishda yuzaga keladigan moliyaviy, huquqiy va boshqaruv muammolari ko‘rib chiqiladi. Ayniqsa, O‘zbekiston emitentlari duch keladigan to‘siqlar, bozor infratuzilmasining rivojlanmaganligi, xalqaro standartlarga mos bo‘lmagan korporativ boshqaruv va moliyaviy hisobot tizimlarining kamchiliklari batafsil yoritiladi. Xalqaro investitsiyalarni jalb qilishda moliyaviy oshkoralik, korporativ boshqaruvning yaxshilanishi va kredit reytinglarini oshirish zarurati alohida ta’kidlanadi.