Abstract. Mazkur maqolada tijorat banklarida kredit risklarini boshqarishning nazariy va amaliy jihatlari ko‘rib chiqiladi. Kredit riski bankning moliyaviy barqarorligi va rentabelligiga bevosita ta’sir ko‘rsatadigan asosiy xavf turlaridan biri hisoblanadi. Maqolada kredit risklarini boshqarishning zamonaviy usullari, ularning samaradorligi va bank faoliyatida qo‘llanilishiga oid asosiy yo‘nalishlar tahlil qilinadi. Shuningdek, O‘zbekiston bank tizimida kredit riskini boshqarishni takomillashtirish bo‘yicha tavsiyalar ishlab chiqiladi.