Maqolada Abdulhamid Choʻlponning «Kecha va kunduz» romanidagi Zebi obrazi psixologik jihatdan tahlil qilinadi. Qahramon taqdiri misolida XX asr boshidagi Turkiston jamiyatida Sharq ayolining ijtimoiy mavqei, uning oila va jamiyat zugʻumi ostidagi ruhiy holati yoritiladi. Zebining qoʻshigʻi, sukuti va ichki kechinmalari orqali yozuvchining erk konsepsiyasi qanday badiiy ifoda topgani ochib beriladi. Shuningdek, Zebi fojiasining Razzoq soʻfi, Qurvonbibi, Akbarali mingboshi va kundoshlar obrazlari bilan bogʻliqligi koʻrsatiladi.

Ushbu maqolada oliy ta'lim muassasalarining Filologiya va tillarni o'qitish yo'nalishi talabalarida ingliz tilida yozish (Academic Writing) kompetensiyasini shakllantirishda generativ sun'iy intellekt vositalaridan (ChatGPT, Claude hamda Grammarly) foydalanishning didaktik imkoniyatlari va cheklovlari talaba nigohi hamda empirik kuzatuvlar asosida tahlil qilingan. Tadqiqotda Is'hoqxon Ibrat nomidagi Namangan davlat chet tillari instituti (NamDCHTI) Filologiya va tillarni o'qitish yo'nalishi talabalarining akademik esse, maqola va kurs ishlarini yozish jarayonida sun'iy intellekt platformalaridan foydalanish tajribasi o'rganilgan. Shuningdek, kognitiv dangasalik, akademik halollik (plagiat) va mustaqil fikrlashning susayishi kabi xavflarni bartaraf etish uchun "AI-Assisted Process Writing" metodik modeli taklif etilgan.

Мақолада жиноий вазиятни олдиндан баҳолашнинг мазмуни, оператив, тактик ва стратегик даражалари ҳамда уларни таъминловчи ташкилий-ҳуқуқий механизмлар таҳлил қилинади. Статистик экстраполяция, эксперт баҳолаш, геоинформацион таҳлил ва сунъий интеллект воситаларининг имкониятлари ҳамда чекловлари очиб берилади. Тадқиқот тизимли ёндашув, мантиқий таҳлил ва илмий манбаларни умумлаштиришга асосланган. Баҳолаш натижаларининг ишончлилиги маълумотлар сифати, усулларнинг вазифага мувофиқлиги ва идоралараро ҳамкорликка боғлиқлиги асосланади. Ягона баҳолаш методикасини ишлаб чиқиш, алгоритмларни синовдан ўтказиш, инсон назорати ва шахс ҳуқуқларини ҳимоя қилиш кафолатларини таъминлаш бўйича таклифлар билдирилади.

Mazkur ilmiy maqolada raqamli transformatsiya va jadal rivojlanayotgan zamonaviy texnologiyalar sharoitida raqamli huquqning shakllanishi, uning nazariy-huquqiy asoslari hamda amaliy muammolari kompleks ravishda tahlil qilinadi. Tadqiqot davomida sun'iy intellekt tizimlari, blokcheyn texnologiyalari, katta ma'lumotlar (Big Data) va kiberxavfsizlik masalalarining fuqarolarning konfidentsiallik hamda shaxsiy daxlsizlik huquqlariga ta'siri batafsil o'rganilgan. O'zbekiston Respublikasining raqamli qonunchilik bazasi xalqaro standartlar, xususan, Yevropa Ittifoqining Ma'lumotlarni muhofaza qilish umumiy reglamenti (GDPR) bilan qiyosiy-huquqiy jihatdan tahlil etilgan. Shuningdek, maqolada raqamli makonda shaxsiy ma'lumotlarni himoya qilish, neyron tarmoqlari mualliflik huquqi va javobgarligi hamda raqamli sud ishini yuritishni takomillashtirish bo'yicha ilmiy xulosalar va amaliy takliflar ilgari surilgan.

Ushbu maqolada inson xotirasining hayotdagi o‘rni, ahamiyati va uni rivojlantirish yo‘llari haqida fikr yuritiladi. Xotiraning asosiy turlari, eslab qolish va unutish jarayonlari, bilimlarni mustahkamlashda takrorlash, yozib borish va kitob o‘qishning ahamiyati yoritiladi. Shuningdek, zamonaviy texnologiyalar, sun’iy intellekt va ijtimoiy tarmoqlarning inson xotirasi hamda mustaqil fikrlashiga ta’siri muhokama qilinadi. Maqolada Imom Zarnujiy qarashlari va mualliflarning shaxsiy kuzatishlariga ham alohida e’tibor qaratiladi.