Abstract. Metabolik sindrom – bu semizlik, dislipidemiya, gipertoniya va insulinga rezistentlik kabi metabolik buzilishlarni o‘z ichiga olgan patologik holat bo‘lib, u yurak-qon tomir kasalliklari va qandli diabet xavfini oshiradi. So‘nggi tadqiqotlar metabolik sindrom va endometriya saratoni o‘rtasidagi bog‘liqlikni ko‘rsatmoqda. Tadqiqot natijalariga ko‘ra, metabolik sindromi bo‘lgan ayollarda endometriya saratoni rivojlanish xavfi umumiy populyatsiyaga nisbatan 2–3 barobar yuqori. Ushbu tezisda metabolik sindrom va endometriya saratoni o‘rtasidagi bog‘liqlik, asosiy patogenetik mexanizmlar va oldini olish choralari yoritilgan.