Abstract. Ushbu maqola informatika fanini o’qitishda samarali pedagogik texnologiyalarni qo’llashning natijalari va ularning o’quv jarayoniga ta’sirini o’rganishga bag’ishlangan. Axborot-kommunikatsion texnologiyalar (AKT), interaktiv o’qitish usullari asosida o’qitish, ta’lim va o’yin texnologiyalari kabi zamonaviy usullar tahlil qilinadi. Ushbu texnologiyalar yordamida o’quvchilarning bilim darajasi oshgani, ko’nikma va malakalari rivojlangani, muammolarni yechish qobiliyatlari yaxshilangani va fan bilan qiziqishlari oshgani aniqlanadi. Maqolada keltirilgan tahlillar informatika fanini samarali o’qitishning muhimligini ko’rsatadi va ta’lim sifatini yaxshilashda innovatsion texnologiyalarning ahamiyatini yoritadi.