Abstract. Мазкур мақолада ёш футболчиларнинг техник-тактик ва жисмонан ривожлантириш бўйича спорт соҳасидаги маҳаллий ва хорижий олимларнинг илмий ва амалий тажрибалари, илмий адабиёт манбааларида келтирилган илмий-назарий маълумотлар ўрганилган. Ёш футболчиларнинг машғулот жараёнини таҳлил қилиш орқали уларнинг техник-тактик ҳамда жисмоний тайёргарлигини ривожлантиришнинг замонавий усуллари тадқиқот жараёнида қўлланилган. Тайёргарлик даражасини назорат қилиш юзасидан илмий-назарий фикрлар илгари сурилган ҳамда илмий тадқиқот ишлари олиб борилган, тадқиқотдан олинган натижалар қиёсий таҳлил қилиниб, тегишли хулосалар чиқарилган.