Abstract. Mazkur maqolada raqamli laboratoriyalar va simulyatsion dasturlarning fizika fanini o‘qitish jarayonidagi o‘rni, ahamiyati hamda ularning ta’lim sifatiga ta’siri nazariy jihatdan yoritilgan. Fizika ta’limining raqamli transformatsiyasi, virtual tajribalar, interaktiv modellashtirish vositalari va simulyatsion muhitlarning o‘quvchilarda ilmiy tafakkur, analitik fikrlash va eksperimental kompetensiyalarni shakllantirishdagi roli tahlil qilinadi. Shuningdek, raqamli laboratoriyalarni o‘quv jarayoniga integratsiya qilishda metodik, texnik va didaktik yondashuvlarning muhim jihatlari ko‘rsatib beriladi.