Abstract. Ushbu maqolada C++ dasturlash tilida obyektga yo‘naltirilgan dasturlash (Object-Oriented Programming – OOP) tamoyillari va ularning amaliy qo‘llanilishi yoritilgan. OOP dasturlash texnologiyalarining muhim yo‘nalishlaridan biri bo‘lib, dastur tuzilmasini modul shaklida tashkil etish, kodni qayta ishlatish va murakkab dasturiy tizimlarni soddalashtirish imkonini beradi. Maqolada OOP ning asosiy to‘rt tamoyili – inkapsulyatsiya (encapsulation), meros olish (inheritance), polimorfizm (polymorphism) va abstraksiya (abstraction) nazariy va amaliy misollar bilan yoritilgan. Shuningdek, C++ tilida klasslar (classes) va obyektlar (objects) orqali real hayotdagi jarayonlarni modellashtirish usullari ham ko‘rib chiqiladi.