Abstract. Mazkur maqola orqali Franz Kafkaning 1912-yilda yozilgan “Hukm” hikoyasining chuqur ma’no mazmunini tahlil qilinadi. Hikoya Georg Bendeman ismli yosh savdogarning otasi bilan bo‘lgan murakkab munosabatlari, psixologik ziddiyatlari va o‘zini o‘zi anglash jarayonidagi to‘siqlar orqali insonning ichki kurashi, avtoritar figuralar oldidagi ojizlik va ekzistensial inqirozni o‘rganadi. Maqola adabiy tahlil usullaridan foydalangan holda hikoyaning ramziy tuzilishi, psixologik chuqurligi va falsafiy mazmunini ochib beradi. Kafkaning shaxsiy hayoti, xususan, otasi bilan munosabatlari hikoyaning avtobiografik kontekstini tushunishda muhim omil sifatida ko‘rib chiqiladi. Hikoyaning zamonaviy adabiyotdagi o‘rni va uning universal mavzulari maqolaning muhokama qismida yoritiladi.