Abstract. Ushbu maqolada gepatit C virusi (HCV) infeksiyasining global sog‘liq uchun ahamiyati, genotiplari, yuqish yo‘llari va davolash usullarining zamonaviy yondashuvlari yoritilgan. Maqolada HCV infeksiyasining epidemiologiyasi, virion va genom tuzilishi, hamda virusning jigar faoliyatiga salbiy ta’siri keng tahlil qilinadi. Xususan, to‘g‘ridan-to‘g‘ri ta’sir qiluvchi antiviral vositalar (DAA) terapiyasining samaradorligi, ularning turli genotiplarga ta’siri va interferon asosidagi terapiyaga nisbatan ustunliklari muhokama qilingan. HCVni butunlay yo‘q qilish uchun JSST tomonidan belgilangan maqsadlarga erishish yo‘lida skrining, tashxis, profilaktika va doimiy monitoring zarurligi asoslab berilgan. Shuningdek, DAA terapiyasi bilan bog‘liq rezistentlik, gepatotsellyulyar karsinoma (HCC) xavfi va noinvaziv biomarkerlar orqali monitoring masalalariga ham alohida e’tibor qaratilgan.