Abstract. Bul maqalada klass jámáátin basqarıwda oqıtıwshı kompetenciyasınıń mazmunı, quramlıq bólimleri hám ámeliy áhmieti kórsetilgen. Atap aytqanda, pedagogikalıq, psixologiyalıq, kommunikativlik hám informaciyalıq-kommunikaciyalıq kompetenciyalardıń klastaǵı sociallıq-psixologiyalıq ortalıqqa kórsetetuģın tásiri analizlengen. Oqıtıwshınıń kásiplik potencialı, onıń liderlik pazıyletleri, klass ishindegi qatnasıqlardı tártipke salıwdaǵı roli zamanagóy ilimiy kózqaraslar tiykarında ashıp berilgen. Sonday-aq, maqalada Ózbekstan Respublikasında ámelge asırılıp atırǵan bilimlendiriw reformaları konteksinde oqıtıwshılardıń kompetenciyalıq dárejesin rawajlandırıw jolları kórip shıǵılǵan. Izertlew nátiyjeleri klass jámáátin basqarıwda kompetentli muģallim jetekshi faktor ekenligin tastıyıqlaydı.