Abstract. Ushbu maqolada axborot tizimlarini integratsiyalashning zamonaviy yechimlari tahlil qilinadi. Integratsiya jarayoni, tashkilotlar va davlat boshqaruvi tizimlari o’rtasida samarali axborot almashinuvi va ma’lumotlarni birlashtirish orqali umumiy samaradorlikni oshirishda muhim rol o’ynaydi. Maqola axborot tizimlarini integratsiyalashda qo’llaniladigan ilg‘or texnologiyalar, masalan, API’lar, ESB, bulutli hisoblash, IoT va Big Data texnologiyalari haqida so’z yuritadi. Shuningdek, integratsiyaning raqamli transformatsiya va texnologik innovatsiyalarni joriy etishdagi ahamiyati ko’rib chiqilgan. Maqola axborot tizimlarini integratsiyalashning afzalliklari va uning turli sohalarda, jumladan, biznes, sog‘liqni saqlash, ta’lim va davlat boshqaruvida qanday qo’llanilayotgani haqida misollar keltiradi.