Abstract. Konstitutsiya davlatning asosiy qonuni bo‘lib, uning siyosiy, iqtisodiy, huquqiy va ijtimoiy tizimlarini tartibga soluvchi asosiy hujjat hisoblanadi. U fuqarolarning asosiy huquq va erkinliklarini, davlat boshqaruvi tuzilmasini, hokimiyat organlarining vakolatlarini belgilaydi. Konstitutsiya davlatning mustaqilligi va demokratik tamoyillarini mustahkamlashda muhim o‘rin tutadi. Shu bilan birga, bu hujjat jamiyatda qonun ustuvorligi va adolatni taʼminlash uchun asos bo‘lib xizmat qiladi. Uning barqarorligi davlatning rivojlanishi va fuqarolarning farovonligini taʼminlashda muhim ahamiyat kasb etadi.