Abstract. Mazkur maqolada oʻzbek tili korpusida terminlarni qidirish va tahlil qilish usullari koʻrib chiqiladi. Terminologiyani tizimli oʻrganishning dolzarbligi va ilmiy-tadqiqot ishlarida zamonaviy korpus lingvistikasi vositalaridan foydalanishning samaradorligi tahlil qilinadi. Terminlarni korpusda qidirish uchun qoʻllaniladigan usullar, ular orasidagi kontekstual bogʻliqlik va qidiruv algoritmlarining afzalliklari batafsil bayon etiladi. Shuningdek, maqolada oʻzbek tilidagi terminlarni identifikatsiya qilish va ularni qoʻllanish chastotasini aniqlash uchun ilgʻor texnologik yechimlar tahlil qilinadi. Bu jarayonda terminlarning semantik, morfologik va sintaktik xususiyatlari ham eʼtiborga olinadi.