Abstract. Ta’lim jarayoni komil insonni, jamiyat uchun muhim bo‘lgan yetuk kadrlarni tayyorlashning muhim bosqichi. Bu jarayonning to‘g‘ri tashkil etilishi jamiyat va davlat taraqqiyotini ta’minlashi shubhasiz. Ta’lim jarayonining samaradorligi ta’lim muassasalarining faoliyati bilan bevosita bog‘liq bo‘ladi. Ta’lim muassasalari orasidagi sog‘lom raqobatning mavjudligi esa ularning metodik, tashkiliy, iqtisodiy jihatdan rivojlanishini ta’minlaydi. Gumanitar yo‘nalishga ixtisoslashgan ta’lim muassasalarida ta’lim jarayonining sifatli tashkil etilishi shaxs ma’naviyati shakllanishida asosiy o‘rin tutadi.