Abstract. Taraqqiyotning hozirgi bosqichida mamlakatlarning iqtisodiy xavfsizligi juda muhim ahamiyatga ega hisoblanadi. Iqtisodiyotning xavfsizligi holati turli ijtimoiy iqtisodiy qarorlar qabul qilishda ham muhim ahamiyatga ega. Iqtisodiy tizimdagi har qanday o‘zgarishlar turli xavf-xatar va tahdidlarning namoyon bo‘lishi bilan birga namoyon bo‘ladi. Shuning uchun ham mamlakat iqtisodiy xavfsizligini ta’minlash, unga bo‘ladigan turli tahdidlarning oldini olish masalasi yuzaga keladi. Mamlakat iqtisodiyotining rivojlanish yo’nalishlarini belgilashda, ijtimoiy iqtisodiy islohotlarni amalga oshirishda ularning oqibatlarini xavfsizlik nuqtai nazaridan tahlil qilmasdan va baholamasdan turib biror bir yo‘nalishga ustuvorlik berish davlat va jamiyatning hayot faoliyatini ta’minlovchi tizimlarning parokandaligiga olib kelishi mumkin.