Abstract. IX – X asrlarda Movarounnahr va Xorazm aholisining asosiy qismi sug`orma dehqonchilik bilan shug`ullanar edi. Sug`orish tarmoqlari vositasida sug`orilib obod etilgan serunum vohalarda g`allakorlik, sholikorlik, paxtachilik, sabzavotchilik, polizchilik va bog`dorchilik yuqori darajada rivoj topgan edi. Voha hududlarida paxtachilik katta o`rinni egallagan. Qolaversa, bog`dorchilik madaniyati yuksak darajada rivojlangan. Xalqimizda qadimdan sabzavot va poliz ekinlari ham serob bo`lib, qovunlari nihoyatda shirali bo`lgan.