Abstract. Hozirgi kunlarda Respublikaning barcha fermer xo‘jaliklarida fosforli o‘g‘itlar kuzgi bug‘doyda ilmiy - asoslanmagan me’yor, muddatlarda qo‘llanilmoqda. Chunki, bu borada ilmiy izlanishlar olib borilmagan. Qolaversa g‘o‘za qator oralariga ekilayotgan kuzgi bug‘doyda fosforli o‘g‘itlar fermerni imkoniyatidan kelib chiqqan holda ekishdan keyin, bug‘doyni tuplanish va boshqa davrlarida ham qo‘llanilayotganligi kuzatilmoqda. Bu esa qo‘llanilayotgan o‘g‘itlarni samaradorligi pasayishiga va kuzgi bug‘doyni fosfordan deyarli foydalanmayotganligini ko‘rsatadi. Shunday ekan, fosforli o‘g‘itlarni qo‘llashning maqbul me’yor va muddatlarini ilmiy asoslash shu kunning dolzarb masalasi hisoblanadi.