Abstract. Mahmud Qoshgʼariyning «Devonu lugʼotit turk» asari oʼzbek tili tarixida yaratilgan asarlar orasida oʼzining ilmiy qiymatiga koʼra alohida ajralib turadi. Olim bu asar ustida uzoq yillar ishladi, koʼp yillar yurtma-yurt kezib material toʼpladi, turkiylar yashagan keng va katta hududni birma-bir kezib chiqdi, urugʼlar, qabilalar, xalqlarning turmush tarzini, urf-odatlarini, kasb-korlarini, turar joylarini, nufuzlarini aniqladi va ularning tillariga xos xususiyatlarni sinchiklab oʼrgandi.