Abstract. Ushbu maqolada ChatGPT’ning talabalarda matematik kompetensiyani rivojlantirishdagi o‘rni, undan foydalanish sabablari hamda buning natijasida yuzaga keladigan ta’limiy imkoniyatlar va cheklovlar tahlil qilinadi. Tadqiqot doirasida 150 nafar bakalavriat talabasi o‘rtasida so‘rovnoma o‘tkazildi hamda ChatGPT’ning algebra, matematik analiz, ehtimollik nazariyasi va geometrik isbotlashga oid masalalarni yechishdagi aniqligi eksperimental tarzda sinovdan o‘tkazildi. Natijalar shuni ko‘rsatadiki, ChatGPT algoritmlarga asoslangan va tahliliy masalalarni bajarishda yuqori natija (86–94% aniqlik) ko‘rsatgan bo‘lsa-da, geometrik isbotlash va mantiqiy asoslashni talab qiluvchi masalalarda uning aniqligi sezilarli darajada (61% gacha) pasayadi.