Abstract. Ushbu maqolada adabiy manbaning musiqiy-sahnaviy asarga ko‘chish mexanizmlari Anvar Ergashevning “Chexoviana” baleti misolida tahlil qilinadi. Tadqiqotda Robert Shumanning “Kreysleriana” turkumi bilan qiyosiy tahlil o‘tkazilib, musiqiy portret janrining evolyutsiyasi, libretto va musiqa dramaturgiyasining o‘zaro ta’siri hamda A.P. Chexov nasrining musiqiy transformatsiyasi masalalari yoritilgan. Shuningdek, maqolada zamonaviy teatr talqinlari va musiqiy simvolizmning o‘rni ilmiy jihatdan asoslab beriladi.