Abstract. Ushbu maqolada “Qutadg‘u bilig” asarida qo‘llangan badiiy san’atlarning poetik xususiyatlari, ularning mazmun va g‘oya ifodasidagi o‘rni ilmiy – tahliliy o‘rganiladi. Asar muallifi Yusuf Xos Hojib tomonidan qo‘llangan tashbeh, istiora, tazod, talmeh va boshqa she‘riy san‘atlar matnning badiiy-estetik qiymatini oshirish bilan birga, ijtimoiy-falsafiy fikrlarni ifodalashda muhim o‘rin tutadi. Shuningdek, maqolada badiiy san’atlarning didaktik ruhdagi g‘oyalarni yetkazishdagi roli ochib berilib, ularning turkiy mumtoz adabiyot poetikasidagi o‘rni ilmiy asosda izohlanadi. Natijada, “Qutadg‘u bilig” nafaqat siyosiy-axloqiy pandnoma, balki yuksak badiiy tafakkur mahsuli sifatida ham baholanadi.