Abstract. Mazkur ilmiy maqolada kichik va o‘rta biznes subyektlarini soliqqa tortishning o‘ziga xos xususiyatlari, amaldagi soliq tizimi hamda uni takomillashtirish yo‘nalishlari tahlil qilingan. Kichik va o‘rta biznes iqtisodiy o‘sish, yangi ish o‘rinlari yaratish va aholi daromadlarini oshirishda muhim ahamiyat kasb etadi. Shu sababli, ushbu sektorni soliqqa tortishda soddalashtirilgan soliq tizimi, soliq imtiyozlari, soliq stavkalarining moslashuvchanligi hamda soliq ma’murchiligini raqamlashtirish muhim hisoblanadi. Tadqiqot jarayonida kichik va o‘rta biznes subyektlari uchun qo‘llanilayotgan soliq mexanizmlari, ularning iqtisodiy samaradorlikka ta’siri hamda xalqaro tajriba asosida rivojlantirish yo‘nalishlari o‘rganildi. Tadqiqot natijalariga ko‘ra, kichik va o‘rta biznesni qo‘llab-quvvatlashda soliq imtiyozlarini kengaytirish, soliq yukini optimallashtirish va elektron soliq xizmatlarini rivojlantirish ushbu sektorni yanada rivojlantirishga xizmat qilishi asoslab berildi.