Abstract. Bugungi kunda loyihalar sifatini boshqarish jarayonida standartlarning qo‘llanishi nafaqat texnik natijani, balki boshqaruv tizimining barqarorligi va shaffofligini belgilovchi asosiy institutsional mexanizmlardan biri sifatida namoyon bo‘lmoqda. Tadqiqot doirasida standart talablarining loyiha turiga, tashkiliy tuzilma modeliga hamda faoliyat sohasining spetsifik ko‘rsatkichlariga moslashtirilishi masalalariga alohida e’tibor qaratiladi. An’anaviy kaskad (Waterfall) loyihalarida standartlar ko‘proq hujjatlashtirish va verifikatsiya protokollariga tayansa, Agile muhitida ular inkremental tekshiruv, “Definition of Done” hamda retrospektiva mexanizmlari orqali amalga oshirilishi tahlil qilinadi. Maqolada sifat ko‘rsatkichlarini o‘lchash metrikalari, KPI tizimi, test va audit tartiblari, shuningdek o‘zgarishlarni nazorat qilish (Change Control) jarayonida standartlarning tartibga soluvchi roli amaliy misollar yordamida asoslab beriladi.