Abstract. Mazkur maqolada boshlang‘ich sinflarda ekologik tarbiyaning ahamiyati hamda o‘quvchilarda ekologik madaniyatni shakllantirishning samarali usullari yoritilgan. Tadqiqot jarayonida boshlang‘ich sinf o‘quvchilarining tabiatga bo‘lgan munosabati, ekologik bilim va ko‘nikmalarini rivojlantirish masalalari tahlil qilindi. Pedagogik kuzatuv, suhbat, savolnoma hamda tajriba-sinov metodlari asosida ekologik tarbiyaga yo‘naltirilgan interfaol mashg‘ulotlarning samaradorligi aniqlandi. Tadqiqot natijalari ekologik tarbiyani dars va darsdan tashqari faoliyatlar orqali tizimli ravishda tashkil etish o‘quvchilarda tabiatga nisbatan ongli, mas’uliyatli va ehtiyotkorona munosabatni shakllantirishga xizmat qilishini ko‘rsatdi. Maqola materiallari boshlang‘ich sinf o‘qituvchilari va pedagogika sohasidagi mutaxassislar uchun amaliy ahamiyatga ega.