Abstract. Ushbu maqolada sun’iy intellekt (SI) asosida ishlovchi tarmoq xavfsizligi tizimlari – Intrusion Detection System (IDS) va Intrusion Prevention System (IPS) algoritmlarining tarmoq tahdidlarini aniqlashdagi samaradorligi ko‘rib chiqiladi. IDS/IPS tizimlarining an’anaviy metodlardan farqli jihatlari, sun’iy neyron tarmoqlar, mashinaviy o‘rganish (ML), chuqur o‘rganish (DL) va tabiiy tilni qayta ishlash (NLP) kabi SI uslublarini qo‘llash orqali tahdidlarni aniqlash aniqligi va tezligi tahlil qilinadi. Shuningdek, real vaqt rejimida ishlovchi zamonaviy SI-IDS/IPS tizimlarining afzalliklari va cheklovlari tahlil qilinadi.