Abstract. Ushbu maqolada gipofiz bezidagi o’zgarishlarning bepushtlikka ta’siri uni oldini olish profilaktik usullari haqida so‘z boradi. Gipofiz bezi organizmning endokrin tizimida muhim rol o‘ynab, gormonal muvozanatni saqlashda ishtirok etadi. Uning faoliyatidagi o‘zgarishlar, ayniqsa, gormonlar yetishmovchiligi yoki ortiqcha ishlab chiqarilishi erkaklar va ayollarda bepushtlikka olib kelishi mumkin. Ushbu maqolada gipofiz bezining gormonal disfunksiyasi natijasida yuzaga keladigan bepushtlik sabablari, uning diagnostikasi va davolash usullari tahlil qilinadi. Shuningdek, ushbu muammoning oldini olishga qaratilgan profilaktik chora-tadbirlar, jumladan, sog‘lom turmush tarziga rioya qilish, stressni kamaytirish va gormonal muvozanatni saqlash bo‘yicha tavsiyalar beriladi. Mazkur tadqiqot gipofiz bezi kasalliklarini erta aniqlash va samarali davolash orqali bepushtlik xavfini kamaytirishga qaratilgan ilmiy va amaliy yondashuvlarni yoritib beradi.