Abstract. Mazkur ilmiy maqolada biznes maqsadlarga erishishda xodimlarni rag‘batlantirish tizimining roli, uning samaradorligi va amaliy ahamiyati o‘rganiladi. Rag‘batlantirish tizimi xodimlarning mehnat unumdorligi, tashabbuskorligi va sadoqatini oshirishda asosiy omil sifatida ko‘rib chiqilib, uning turli shakllari – moddiy, nomoddiy va ijtimoiy rag‘batlantirish usullari tahlil qilinadi. Tadqiqotda motivatsiya strategiyalarining biznesning barqaror rivojlanishiga ta’siri, samarali boshqaruv mexanizmlarining rag‘batlantirish tizimidagi o‘rni hamda innovatsion yondashuvlar bilan bog‘liq jihatlar yoritiladi. Tadqiqot natijalariga ko‘ra, xodimlarning ishga bo‘lgan qiziqishini oshirish, kadrlar oqimini kamaytirish va korxonaning strategik maqsadlariga tezroq erishish uchun kompleks rag‘batlantirish tizimi yaratish zarurligi aniqlangan. Shuningdek, samarali rag‘batlantirish mexanizmlarini ishlab chiqish, xodimlarning ehtiyojlariga mos moslashuvchan tizimlarni joriy etish va individual yondashuvni qo‘llash muhimligi ta’kidlanadi. Ilmiy ish natijalari korxonalar va tashkilotlar uchun amaliy tavsiyalar shaklida bayon etilib, xodimlarni motivatsiya qilish orqali mehnat samaradorligini oshirish bo‘yicha ilmiy asoslangan yondashuvlar taklif etiladi. Mazkur tadqiqot biznes boshqaruvi, inson resurslari menejmenti va korporativ strategiya sohalarida faoliyat yurituvchi mutaxassislar uchun foydali bo‘lishi mumkin.