Mazkur maqolada o‘quvchilarda yozma savodxonlikni shakllantirishning zamonaviy pedagogik metodlari, yozma nutq kompetensiyasini rivojlantirishning didaktik asoslari hamda ta’lim jarayonida interfaol va raqamli texnologiyalardan foydalanish imkoniyatlari yoritilgan. Yozma savodxonlikni rivojlantirishda matn yaratish, muammoli topshiriqlar, hamkorlikda yozish, o‘zaro tahrirlash, mezonlar asosida baholash va refleksiv yondashuvning ahamiyati tahlil qilingan. Shuningdek, o‘quvchilarning mustaqil fikrlashi, imlo va tinish belgilariga rioya qilishi, matnning mazmuniy yaxlitligi hamda uslubiy ravonligini takomillashtirishga qaratilgan metodik tavsiyalar ishlab chiqilgan.

Ushbu maqolada Salvia L. turkumiga mansub dorivor o‘simliklarni in vitro sharoitida ko‘paytirish, biologik faol birikmalar biosintezini optimallashtirish va genetik resurslarini uzoq muddat saqlash istiqbollari yoritilgan. Dorivor mavrak turlarining biologik xususiyatlari, fenolik birikmalar, flavonoidlar, terpenoidlar va efir moylarining ahamiyati tahlil qilingan. Shuningdek, o‘simlik to‘qimalari kulturasi, oziqa muhiti tarkibi, fitogormonlar hamda elicitorlardan foydalanishning metabolitlar to‘planishiga ta’siri ko‘rib chiqilgan. Genetik resurslarni saqlashda sekin o‘sish sharoitida saqlash va kriosaqlash usullarining imkoniyatlari muhokama qilingan. Tadqiqot natijalari Salvia turkumiga mansub dorivor o‘simliklarni ko‘paytirish, biologik faol moddalar olish va qimmatli genetik resurslarini muhofaza qilish bo‘yicha istiqbolli biotexnologik yondashuvlarni umumlashtirishga xizmat qiladi.

Мақолада гаров эҳтиёт чораси миқдорини белгилаш мезонлари, мулкий имконият ва процессуал хавф ўртасидаги нисбат ҳамда белгиланган гаровни киритиш имкони бўлмаганда юзага келадиган оқибатлар таҳлил қилинади. Гаров миқдорини жиноятдан етказилган зарарга боғлаш ёндашуви танқидий баҳоланади. Б.Н. Рашидов, Ю.В. Царева, Т.Л. Щерба, Д.А. Лёвин, Р.Я. Мамедов, С.Н. Мальцева, Д.Р. Нариманова қарашлари, Россия, Қозоғистон ва Беларусь қонунчилиги, Европа инсон ҳуқуқлари суди амалиёти ўрганилади. Муаллиф мутаносибликнинг икки босқичли моделини ва ЖПКнинг 249-моддасига учта таклифни илгари суради: гаров миқдорининг қонуний чегаралари ва уни асослаш мажбурияти, гаровни киритиш имконияти бўлмаганда уни қайта кўриб чиқиш ҳамда гаровни ҳукмдан кейин зарарни қоплашга йўналтириш.

Mazkur maqolada Xorazm vohasida Pyralidae (Lepidoptera) oilasi biologik xilma-xilligining makoniy-ekologik qonuniyatlarini o‘rganishning nazariy va metodologik asoslari yoritiladi. Tadqiqotning asosiy yo‘nalishlari oilaning tur tarkibini aniqlash, turlarning zoogeografik areallarini tavsiflash hamda biotoplararo ekologik farqlarni baholashdan iborat. Turlarni morfologik identifikatsiya qilish, standartlashtirilgan dala kuzatuvlarini tashkil etish va zamonaviy statistik usullardan foydalanish masalalariga alohida e’tibor qaratiladi. Shuningdek, turlar boyligi, biologik xilma-xillik indekslari va ekologik omillar o‘rtasidagi munosabatlarni tahlil qilish imkoniyatlari ko‘rib chiqiladi. Tadqiqot natijalari hudud entomofaunasini tizimli o‘rganish, turlarning tarqalishini hujjatlashtirish va kelgusidagi ekologik monitoring uchun ilmiy asos yaratishga yo‘naltirilgan.

Mazkur maqolada davlat chegaralarini delimitatsiya va demarkatsiya qilishning xalqaro-huquqiy asoslari, ushbu jarayonlarda yuzaga keladigan huquqiy muammolar hamda chegara nizolarini hal etishda xalqaro sud amaliyotining ahamiyati tahlil qilinadi. Xalqaro sudning Burkina-Faso va Mali, Benin va Niger, shuningdek, Burkina-Faso va Niger o‘rtasidagi chegara nizolari bo‘yicha qarorlari asosida huquqiy titul, tarixiy-ma’muriy hujjatlar, kartografik materiallar va texnik dalillarning huquqiy ahamiyati o‘rganiladi. Tadqiqot natijasida delimitatsiya va demarkatsiya jarayonlarining o‘zaro muvofiqligini ta’minlash, chegara to‘g‘risidagi xalqaro shartnomalarning aniqligini oshirish hamda qo‘shma chegara komissiyalari faoliyatini takomillashtirishga qaratilgan takliflar ishlab chiqiladi.